Visita do equipo ECOTOX ao edificio Redeiras

Esta semana xogo e o traballo misturárose agradablemente, na visita que o equipo ECOTOX fixo ó edificio Redeiras.

Desde alí, e mediante ferramentas TIC, atravesamos portais no éter e visitamos os campus de Ourense e Pontevedra sin movernos do Berbés (Vigo). Tamén puxemos en práctica os nosos coñecementos sobre ecotoxicoloxía (1), arqueoloxía (2) e filmación / rodaxe de películas (3), grazas aos xogos virtuais interactivos deseñados para tal fin; ditos xogos son accionables a través de tabletas e/ou gafas de realidade virtual. … Ben certo é que, no caso do xogo de ecotoxicoloxía (1), xogabamos con  vantaxe: dito xogo foi deseñado en base á investigación e achados científicos do noso equipo, ECOTOX.

Deixámosvos o album de fotografías da visita e animámosvos a participar desta brincadeira, apta para todos os públicos!