O blog de amolares

A entrevista versou sobre os efectos dos  microplásticos no medio mariño e algunhas das conclusións obtidas no proxecto europeo  EPHEMARE, coordinado polo grupo  ECOTOX e recentemente finalizado. A entrevista, que empeza aos 5'14'' do inicio do programa e finaliza aos 19'55''.

Os días 30 e 31 de outubro de 2018 celébrase na ECIMAT o curso "Introducción ás ferramentas bioinformáticas para investigación", organizado por personal do grupo de investigación de Ecoloxía Costeira do Centro de Investigación Mariña da Universidade de Vigo e impartido polo Dr. Alberto Molares, técnico bioinformático integrado no grupo de ecotoxicología marina (ECOTOX).

O seguinte video foi extraído dunha reportaxe realizada por xornalistas do programa "En el punto de mira" da canle Cuatro TV. Nel abórdase a problemática dos residuos plásticos dende os puntos de vista ambiental e de saúde humana. Neste video o Dr. Ricardo Beiras, xunto coas tamén investigadoras Tania Tato e Sara López, mostran a presenza dos microplásticos, fragmentos plásticos inferiores a 5 mm., en todo tipo de organismos marinos, incluso en estado larvario, e cómo esa presencia pode afectar ás cadeas tróficas mariñas.

Por Sara López Ibáñez

Hoxe en día, os ecosistemas mariños están sometidos a unha grande presión exercida polo ser humano a nivel global. Algunhas das causas que están provocando a degradación e incluso desaparición destes hábitats son actividades como a sobrepesca, a ocupación do litoral, as emisións de augas residuais, ou a xeración desmesurada de refugallos sólidos que van parar ó mar (o 80% procedentes da terra).

Os microplásticos (fragmentos plásticos de menos de 5 mm. de diámetro) están aparecendo en todos os espacios naturais, tanto terrestres como mariños. Un grupo de investigación da Facultade de Ciencias do Mar (Vigo, Galiza), liderado polo Dr. Ricardo Beiras, está analizando cómo se incorporan eses microplásticos ás distintas especies mariñas e os potenciais efectos tóxicos sobre estas especies. O coñecemento en profundidade dos efectos dos plásticos sobre a vida mariña permitirá identificar tamén posibles implicacións sobre a saúde humana.