Novas

Esquema de Avaliación de Bioplásticos

publicado por cgomez o Lúns, 20/01/2025 - 19:42

Problema	Solución
Os plásticos convencionais acumúlanse no medio ambiente porque non son biodegradables causando un molestia estética.	Producir polímeros que se biodegraden en compartimentos ambientais: plásticos potencialmente biodegradables.
A fauna mariña pode enredarse en plásticos e inxerilos accidentalmente, bloqueando o seu tracto dixestivo.	Producir materiais plásticos que se degradan mecánicamente no medio, e así non atrapan nin bloquean a fauna.
A degradación dos plásticos non debe liberar produtos químicos tóxicos nin micro ou nanoplásticos persistentes.	Utilizar aditivos funcionais e materiais degradables identificados a priori como inofensivos na Avaliación de Riscos Ecolóxicos.

marine_friendly_bioplastics.pdf

O fake de Iberdrola

publicado por cgomez o Lúns, 08/07/2024 - 10:52

Onte pola mañán sobresaltoume a publicidade de Iberdrola emitida no programa de radio de maior audiencia de España. Ao parecer existen cinco illas xigantes de plástico no medio dos océanos que suman una extensión non sei cantas veces maior que Australia. Hoxe agardaba que Iberdrola anunciase o descubrimento dun elasmosaurio no lago Ness, non puido ser. Que unha empresa tan potente difunda un bulo dese calibre faime entender a reacción de algún dos oíntes das miñas charlas cando falo en público sobre isto. Se o di Iberdrola será verdade, non? Pois non, é un absoluto fake. leer mais.

"Greenwashing"

publicado por cgomez o Lúns, 10/06/2024 - 13:18

O Greenwashing é unha práctica comercial que parasita a crecente concienciación do consumidor polo respecto ao ambiente natural, e a súa preocupación por conservar e mellorar o seu estado. Consiste en empregar termos e etiquetas que evocan a ecoloxía sen que realmente exista nese produtos un fundamento técnico sólido que os faga ambientalmente preferibles aos convencionais.

Os pellets do Toconao non impiden o desenvolvemento das larvas do ourizo de mar

publicado por cgomez o Tue, 23/01/2024 - 22:01

Aínda que estamos afeitos a pensar en mexilóns, lapas ou ourizos de mar como animais que viven pegados ás pedras e sen apenas capacidade para desprazarse, as poboacións destes e moitos outros invertebrados mariños se dispersan grazas ás súas fases larvarias que viven no plancto e poden viaxar centos de millas arrastrados polas correntes. A larva do ourizo de mar ten unha curiosa forma de torre Eiffel e se denomina larva pluteus. Nestas fases estes animais son moito máis sensibles á contaminación que os adultos, e por iso se utilizan como modelos en ecotoxicoloxía mariña.

sea_urchin_bioassays

Nós incubamos as larvas do ourizo en lixiviados (extractos acuosos) de pellets do Toconao. Acabamos de ver os resultados e como ilustra a foto as larvas expostas aos lixiviados son case igual de grandes que as incudabas en auga limpa. Boas novas para as nosas costas. Na actualidade imos comenzar probas con outros organismos, pois se precisa comprobar o efectos dos pellets sobre outros grupos importantes como crustáceos, algas e peixes.

Aparecen novas sustancias nos pellets

publicado por cgomez o Venres, 12/01/2024 - 11:39

Nun segundo informe feito público pola Xunta de Galicia inclúese información procedente de estudios de migración, que detectan dúas novas sustancias químicas sintéticas : un antioxidante fenólico comercialmente denominado Irganox-1010 (CAS 6683-19-8) con toxicidade acuática crónica nivel 3 (nunha escala de 1 a 4 onde 1 é a máis alta), e un antioxidante organofosforado (CAS 31570-04-4) denominado Irganox-168. seguir a leer

Composición química do vertido de pellets en Galicia

publicado por cgomez o Mércores, 10/01/2024 - 11:07

Estructura do aditivo UV622

Segundo un breve informe difundido o día 9 de xaneiro pola Xunta de Galicia, os pellets que se verqueron o pasado día 8 de decembro do barco Toconao de bandeira de Liberia en sacos etiquetados como “UV9000 light stabilizer” importados por Bedeko Europe e fabricados na India pola empresa Coraplast (si, moito do plástico que se consume en Europa se produce en Asia) teñen a seguinte composición. seguir a leer

Vasos de cartón dun só uso, solución ou problema?

publicado por flaranjeiro o Lúns, 16/10/2023 - 12:38

Coa febre antiplástico bares e máquinas de vending reemplazaron os vasos de polipropileno dun só uso, restrinxidos pola Directiva SUP da UE, por vasos de cartón, igualmente de un só uso, non comprendidos na Directiva. A cuestión é que o cartón a diferencia do plástico non é impermeable aos líquidos e por tanto para ser usado como vaso necesita ser forrado por dentro dunha lámina que o impermeabilice, e sabedes de qué está feita esta lámina? seguir a leer